"TRT World" fil'mı Êmmi (Эмми) büläkläre finalında

"TRT World" tarafınnan äzerlängän häm büläkkä layıq bulğan dokumental’ fil’m seriyase “Off the Grid” Ukrainada töşergän “Ukrainanıñ suğış köndälekläre” isemle bülege xalıqara uñışqa ireşte.

Törkiyä teleradiokompaniyase TRTdan yasalğan belderüdä kürä, Rusiyä belän Ukraina suğışında tınıç xalıqnıñ kiçergännären añlatuçı dokumental’ fil’m Xalıqara televideniye (телевидение) sänğate häm belemnäre akademiyase tarafınnan birelüçe 44nçe Xalıqara Êmmi (Эмми) büläkläreneñ “Xäbär häm könüzäk waqıyğalar” kategoriyasendä finalda qatnaştı.

Finalda Törkiyäne wäkillek itüçe TRT Worldnıñ köndäşläre isä Angliya, Braziliya häm İzrail buldı.

Muxsin Ennaymi häm Aleksandr Poliat äzerlägän häm Xaqan Hocaoğlu töşergän fil’m Ukrainadağı suğışnıñ çın yözen añlata, Rusiyä armiyaseneñ çigenüe belän Ukrainadağı xalıqnıñ tormışlarındağı üzgäreşne kürsätä.

Belderüdä qaraşlarına urın birelgän TRT ğomum mödire Mäxmät Zaxid Sobası tübändägeçä citkerde: “TRT bularaq vizionıbız – çit telle êfirlarıbız belän xalıqara ölkädä köçle täêsir tudıru. Yıraq (Ерак) geografiyadağı häm yanıbızdağı täraqqıyät’lärne küzätep barabız. Küpçelek oçraqta dönya bitaraf qalğan şaqtıy mäs’äläne kön tärtibenä kiteräbez. Şunıñ öçen "TRT World"nıñ Ukrainada suğışnıñ ayıruça ğayıpsez keşelärgä niçek täêsir itüen añlatqan “Off the Grid”nıñ êşçänlege belän Xalıqara Êmmi (Эмми) bülägenä namzät itep kürsätelüe bezneñ cähattän syurpriz tügel. Tırışlıq quyğan härkemne çın küñeldän täbrik itäm”.

44nçe Xalıqara Êmmi (Эмми) büläkläreneñ “Xäbär häm könüzäk waqıyğalar” kategroiyasendäge büläkläre 27 sentäbr’da N’yu-Yorkta oyıştırılaçaq häm televideniye (телевидение) dönyasınıñ aldınğı isemnäre dä qatnaşaçaq tantanada iyälärenä tapşırılaçaq.