“Ayasofiya” - İstanbulnı ciñep alu bilgese

“Ayasofiya” (Айя Суфия) mäçete ğıybadät öçen açılğanğa öç yıl ütte.

İstanbuldağı bu simvolik urınğa soñğı öç yılda yaqınça 21 million keşe kilde.

Diyänät êşläre başlığı doktor Ali Ärbaş: ”Monnan öç yıl êlek, 2020 nçe yılnıñ 24 nçe iyülendä 86 yıllıq sağınu-xäsrät bette”, - dip belderä mäçetneñ ğıybadät öçen açılğanğa öç yıllığı uñayınnan ütkärelgän cıyında.

2020 nçe yılda mäxkämä qararı belän, binanı muzey itep bilgelägän 1934 nçe yılğı ministrlar şurası qararı ğamäldän çığarılıp, “Ayasofiya” qabat mäçetkä äylänä.

“Ayasofiya” (Айя Суфия) dürtençe ğasırda çirkäw bularaq tözelä.

Ğosmanlı imperatorlığı 1453 nçe yılda İstanbulnı ciñep alğannan soñ mäçet itep üzgärtelä.

Mäçet bay mädäni häm tarixi mirası belän, Qor’än uqu häm “Ayasofiya” (Айя Суфия) belän “Soltanäxmät” mäçete arasında üzara azan uqu kebek maxsus programmalar belän biregä kilüçelärne soqlandıra.

 “Ayasofiya” (Айя Суфия) mäçete imamı Bünyamin Topçuoğlu: ”Bez mäçet açılğannan birle 120 din almaştıru meräsime ütkärdek. 120 keşe ayıruça “Ayasofiya”da möselman bulırğa telibez didelär”, - dip belderä.

Bu urın Fatix Soltan Mäxmät öçen zur ähämiyätkä iyä bula.

“Ayasofiya” (Айя Суфия) – İstanbulnı ciñep alu bilgese, ul İslamnıñ ciñüen, bezneñ berdämlegebezne simvollaştıra.