İstanbulda 18 yıldan soñ "böyek" oçraşu

İstanbulda 18 yıldan soñ ikençe tapqır UEFA Çempionnar ligasınıñ finalı uza. Atatörek Olimpiya stadionında qabat Angliyä häm İtaliyä komandaları oçraşıp axırğı matçın uynayaçaq.

“Mançester Siti” belän “İnter” Awrupanıñ iñ böyege bulu öçen irtägä Türkiyä waqıtı belän säğat’ kiçke 10da futbol qırına çığa.

Taksim mäydanına quyılğan zur futbol tupı häm UEFA Çempionnar ligası kuboğınıñ maketı cirle häm çit i turistlarınıñ iğ’tibarın cälep itte. İke komandanıñ bayraqları isä 15nçe iyül’ şähitläre küperenä êlende.

“Mançester Siti” belän “İnter” futbolçıları illärennän kütärelgän maxsus oçqıçlar belän İstanbul aêroportına yarım säğat’ aralıq belän kilde häm qunaqxanälärgä urnaştı.

60 meñnän artıq futbol söyüçe qarayaçaq matçnıñ iq’tisadi faydası bulaçaq. Zur final İstanbulğa 75 million yevro kiterä.