Singapurda 180 yıllıq at yarışları beterelä

Kön’yaq-könçığış Aziyädä urnaşqan Singapurda 180 yıldan artıq tarixı bulğan at yarışlarına noqta quyıla.

BBCneñ xäbärenä qarağanda, Singapurdağı berdänber at yarışları arenası “Terf Klab” kiläse yıl soñğı uzışlarnı uzdırğannan  soñ yabılaçaq.

Singapur xökümäte arena urnaşqan 120 gektarlıq mäydannıñ däwlät häm şäxsi toraq tözeleşenä bireläçägen citkerde.

“Terf Klab”tan yasalğan belderüdä, ildä at yarışlarınıñ ozın häm şöhrätle tarixı barlığı assızıqlanıp, 2024nçe yılnıñ 5nçe oktyabrendä 100nçe Böyek Singapur Altın kubogına qadär däwam itäçäk uzışlarda sportsmenlıq, iminlek häm ğadellekne täêmin itü öçen tırışaçaqları äytelde.

1842nçe yılda “Singapur sport klubı” bularaq qorılğan uzış arenasınıñ iseme 1924nçe yılda "Terf Klab"qa almaştırıla.1972nçe yılda anda Angliyä patşabikäse Êlizabet İkençe isemenä çara oyıştırıla.