Karim Benzema Soğud Ğaräbstanı ligasında

Franśiyäneñ futbol yoldızı Karim Benzema kar’yerasın Soğud Ğaräbstanında däwam itäçäk. “Real Madrid”tan kitkän futbolçı “Al İttixad” belän 3 yıllıq kileşü imzaladı. 35 yäş’lek sportçı 2026nçı yılğa qadär älege komandanıñ formasın kiyäçäk. Ğaräp klubınıñ Benzemağa här yıl 200 million yevro tüläyäçäge alğa sörelä.

Täcribäle futbolçı êlek ber komandada uynağan Kriştianu Ronaldonıñ köndäşe bulaçaq.

Kar’yerasında moña qadär “Olimpik Lion” häm “Real Madrid”  formaları kigän Benzema 551 matçta 281 gol kertte.