Vezuviynıñ tağın 3 qorbanı tabıldı

İtaliyädäge antik qala Pompeyda baruçı arxeologik qazınularda 79nçı yılda Vezuviy yanartawınıñ zur şartlawında ülüe açıqlanğan 3 keşeneñ qaldıqları tabıldı.

İtaliyä mädäniyat ministrlığınnan yasalğan belderüdä bolarnıñ älege şähärdä qazıp çığarılğan iñ axırğı tabıldıqlar buluı äytelä.

Skelet qaldıqları vulkan atqan waqıtta ber ikmäk peşerü urınına kerep qaçqan 2 xatın-qız häm 3-4 yäş’lärendäge balanıqı. Alar lava, köl häm tufraq qatlamnarı astında qalıp bügengä kilep citkän.

Arxeologlar qazınularda, monnan tış, Pompeyda mifologik säxnälär sürätläwçe ike freskalı divar da taba.

İtaliya mädäniyat ministrı Djennaro Sanjuliano bolay dip belderde: “Älege qaldıqlarnıñ tabıluınıñ däwam itüe Pompeyda qazıp çığarılaçaq niqadär küp närsä barlığın añlattı”.

Neapol’ yänäşäsendäge antik Pompey şähärenä här yıl meñnärçä turist kilä.