Türkiyä – “Zäñgär bayraq”ta dönya öçençese
Türkiyä “Zäñgär bayraq”ta bıyıl da dönya öçençese buldı
Xalıqara Zäñgär bayraq jyurise 2023nçe yılnıñ “Zäñgär bayraq” büläklären açıqladı.
Üzäge Daniyada Kopengagenda urnaşqan Xalıqara êkologiya, mäğarif waqıfı “FEE” tarafınnan açıqlanğan “Zäñgär bayraq” isemlegendä Türkiyä plyaj sanı belän qabat dönya öçençese buldı.
Türkiyädäge 551 plyajda, 23 marinada, 14 turizm köymäsendä häm 10 şäxsi yaxtada “Zäñgär bayraq” celferdäyäçäk.
“Zäñgär bayraq”qa iyä illär arasında berençe urında İspaniya, ikençe urında Greśiya. Öçençe urındağı Türkiyädän soñ İtaliya häm Franśiya kilä.
Türkiyädä iñ küp “Zäñgär bayraq” bulğan plyajlar häm turizm köymäläre arasında Antaliya berençe urında tora. Antaliyadağı 231 plyaj, 5 marina, 14 turizm köymäse “Zäñgär bayraq”qa iyä.
Muğla isä Türkiyäneñ iñ küp “Zäñgär bayraqlı” marina urnaşqan turizm qalası. Muğla 110 plyajı, 7 marinası häm 4 şäxsi yaxtasında celferdäwçe “Zäñgär bayraq” belän isemlektä ikençe urında.
İzmir 63 plyaj, 4 marina belän öçençe urında, Balıkäsir 46 plyaj, 1 marina, 6 şäxsi yaxta belän dürtençe urında, Aydın 35 plyaj, 2 marina belän bişençe urında.
Bu vilayätlärdän soñ Samsun, Çanakkalä, Märsin, Kocaäli, Täkirdağ, Bartın, Kırklaräli, Ordu, Bursa, Zonguldak, İstanbul, Sakar’ya, Düzcä, Van, Ädirnä häm Yalova kilä.
