Kurt Kobeyn watqan gitara satıldı

AQŞnıñ rok törkeme “Nirvana”nıñ êlekkege solistı Kurt Kobeyn watqan gitara aukśionda yaqınça 600 meñ dollarğa satıldı. Sänğat’çe üze 1994nçe yılda ülde.

 Satu N’yu-York şähärendä “Xard Rok kafe”da ütte. Anda täq’dim itelgän Fender Stratokaster markalı watıq gitarağa kötelgännän 10 tapqır qıybatraqqa aluçı tabıldı. Ul tögäl 596 meñ dollarğa kitte. Aluçınıñ kem ikäne belderelmi.

Gitaranıñ 1990nçı yıllar başında “Nirvana”nıñ populyar al’bomı “Nevermind”nı yazdırğan waqıtta cimerelüe äytelde. Anıñ östendä törkemneñ öç äğ’zasınıñ imzası häm Kobeynnıñ dustı Mark Lanegannıñ yazuı bar. Kurt Kobeynnıñ isemen gitara östenä yalğış yazuı kürenä.

İke yıl êlek şul uq sänğat’çeneñ 1993nçe yıl axırında MTV Unplugged çığışı öçen qullanğan akustik gitarası 6 million dollarğa satılğan ide.