İstanbulda borınğı cir astı yulları tabıldı

İstanbulda 500 yıllıq Poliuktos çirkäweneñ nigezendä alıp barılğan qazınularda 1500 yıllıq cir astı yulları tabıldı. Älege ğıybadätxanä Saraçxanä arxeologiyä parkı êçendä urın ala häm Ayasofiyadan da aldaraq tözelgän.

Çirkäw izge Poliuktosqa bağışlanğan, şuña anıñ iseme belän yörtelä. Bina 11nçe ğasırda cimerelä, annarı talana. Ğıybadätxanäneñ qıymmätle öleşläre häm bağanaları Veneśiyägä urlana.  

1960nçı yıllarda cir astı kiçeşe tözeleşe waqıtında çirkäwneñ qayber tarixi äsärläre çığa.  

İzge Poliuktos çirkäwe urnaşqan Saraçxanä arxeologiyä parkında 2022nçe yılnıñ 8nçe iyünendä qazınu êşläre başlandı. Anda tabılğan cir astı yulınıñ mozaikaları, taş inkrustaśiyase, êşkärtelgän märmärlär belän forma birelgän häm rel’yeflar belän bizälgän taşları iğ’tibarnı cälep itä.

Saraçzanä arxeologiyä parkınıñ 1 yıldan soñ açıluı kötelä.