TRT Afrika: Türkiyäneñ däwlät teleradiokompaniyasınıñ Afrika kanalı êşçänlegenä başladı

“TRT”neñ yaña sanlı xäbär kanalı Afrikanı bulğanı kebek tanıtıp, uquçılarğa Afrika turında al’ternativ qaraşnı täq’dim itäçäk. Kanal ayıruça Afrika qıytğası öçen möhim global’ xikäyälärne bay häm aktual’ räweştä, balanslı mäğ’lümatlärne auditoriyağa citkeräçäk.

Türkiyäneñ däwlät teleradiokompaniyası "TRT Afrika" qıytğasındağı xikäyälärne dönyaküläm uquçılarğa dürt teldä (suaxili, inglizçä, xausa häm franśuzça) citkerü maqsatı belän yaña sanlı xäbär platforması bulğan “TRT Afrika”nı tormışqa aşırdı.

Kanal TRT belän Afrika tapşırular berlegeneñ İstanbulda oyıştırğan “Berençe näşriyät sammitı”nıñ ikençe köne bulğan comğa könne turıdan-turı yazmaları belän başladı. Öç kön bularaq planlaştırılğan yuğarı däräcäle oçraşu 30nçı martta başlandı.

“TRT”neñ tarafsız häm qoçaqlap aluçı jurnalistika maqsatları belän ahäñle bularaq uquçılarına Afrika turında al’ternativ qaraş täq’dim itäçäk “TRT Afrika”da qıytğa öçen möhim global’ xikäyälär, balanslı itep birelgän mäğ’lümatlär, bay häm aktual’ añlatma belän uquçılarğa citkereläçäk.

Kanal ayıruça diasporadağı afrikalılarnıñ xikäyälären urtaqlaşaçaq häm alarnıñ töp qıymmätlären unikal’ räweştä berläşterep, dönyadağı waqıyğalarnıñ üzägenä urnaştıraçaq.

Qıytğadağı 15 törle ildän personalı bulğan “TRT Afrika”nıñ sanlı maqsatı - Afrikalı uquçılar öçen möhim xikäyälärgä urın birü, sośial’ media aşa dönyadağı täräqqıyätlärne yaqınnan küzätep barğan yäş’lär öçen yuğarı sıyfatlı yazmalar äzerläw häm şuşı yul belän qıytğada ışanıçlı xäbär çığanağı bulu.

Kanal Afrikadan häm dönyanıñ här cirennän uquçılarğa unikal’ sanlı êçtälek, maxsus xikäyälär, Afrikanıñ cirle problemalarına qağılışlı tikşerenülärne häm dokumental’ fil’mnarnı täq’dim itüne häm dönya külämendäge Afrika diasporasınıñ qıytğa belän bäyle mäğ’lümat ixtıyacın qanäğätländerüne maqsat itä.

“TRT Afrika” Gambiyadan Marokkağa, Nigeriyadan Kamerunğa qadär distälägän Afrika ilendä êşçänlek alıp baraçaq. Kanalnıñ şuşı matbuğat êşçänlegeneñ maqsatı, ber ük waqıtta Türkiyäneñ Afrikağa ozaq waqıttan birle däwam itkän yaqlawın da raslap, Afrika awazınıñ dönya külämendä işetelüe häm täq’dir itelüe öçen platforma buldıru.

Matbuğat êşçänlegenä yaña ğına başlağan “TRT Afrika” “TRT World”, “TRT Arabic”, “TRT Russian”, “TRT Deutsch”, “TRT Français” häm “TRT Balkan”nan torğan TRT ğailäseneñ iñ yaña äğ’zase buldı. Bu platformalarnıñ barısı da törle awazlar belän qaraşlarnı häm individual’ häm dä kümäk bularaq xalıqara uquçılarğa täq’dim itä.

TRT Afrika sammitı

Comğa könne oyıştırılğan “TRT Afrika” yuğarı däräcäle oçraşudağı açış çığışların İlbaşı idaräseneñ êlemtä başlığı Fahrettin Altun, TRT Ğomum mödire Mäxmät Zahid Sobacı häm Afrika tapşırular berlegeneñ ölkän citäkçese Gregoire Ndjaka yasadı.

Sammitnıñ berençe köne bulğan pänceşämbe könendä (atnakiçen) Afrika tapşırular berlege wäkilläre “Daimi kiläçäkkä taba: däwlät matbuğat êşçänlege xezmäten yañadan şäkelländerü (formalaştıru)” teması belän cıyıldı.

16 Afrika ilennän kilgän 23 jurnalistqa “Pandemiya barışında medianıñ üzgärüe”, “Jurnalistikanıñ üzgärüendä texnologiyanıñ öleşe”, “Könbatış êtnosentrik alımnarğa qarşı qullanılaçaq qorallar” kebek mäs’älälärdä dä belem birelde.

Comğa könne töştän soñ ütkärelgän utırışlarda “Däwlät xezmäte media közgesendä Afrika-Türkiyä mönäsäbätläre: urtaq vizion häm kiläçäkneñ awırlıqları”, “Üskän texnologiyälär häm yaña media çorında däwlät matbuğat êşçänlege xezmäteneñ kiläçäge: Afrika häm Türkiyä däwlät xezmäte mediaları sanlı çorda nicen aktual’ bula ala?” häm “Global’ xäbär ağımnarınıñ üzgärgän yöze: tağın da gadelräk dönya öçen urtaq vizion belän Afrika xikäyälären añlatu” temaları quzğatıldı.

Yuğarı däräcäle oçraşu “Afrika xikäyälären yaña vizion belän añlatu” temalı panellär belän däwam itä.