Kuinnıñ gitaristı rıśar titulı aldı

Böten dön’yada mäşhür Kuin rok-törkemeneñ êlekkege gitaraçısı Brayan Mêyğa Angliyä patşası Çarl’z Öçençe “sêr” titulı birde.  

Bu xaqta Kuinnıñ Twitter akkauntında da yazıla. Anda Mêynı rıśar’ iğ’lan itü mizgeleneñ fotoräseme dä urnaştırıla.

 Belderüdä bolay diyelä: “Brayanğa patşalıq rıśarı iseme birelü tantanası bügen Bukingêm sarayında uzdı. Rıśar’ titulına patşa Çarl’z Öçençe ğalicanäpläre atadı. Täbriklär, sêr Brayan!”

Mêy muzakal’ kar’yerasın 1968nçe yılda oyıştırğan “Smayl” isemle törkem belän başlıy. Ä 1970nçe yılda inde ul Rodjer Taylor häm Freddi Merkuri belän bergä “Kuin”ğa nigez sala.

Tanılğan gitarist “Kuin”nıñ aktiv çağı 1983nçe yıldan başlap solo êşçänlegen dä alıp bara. Freddi Merkuri ülgännän soñ, 2014nçe yılda ul Pol Rodjers solistlığında törkemne qabat cıyıp dön’ya turına çığa.

Süz uñayınnan, Brayan Mêy 6nçı fevral’dä bulğan Kaxramanmaraş cir teträwlärennän soñ Angliyä ğadättän tış xälär komitetınıñ Türkiyä häm Süriyä öçen başlağan yärdäm kampaniyäsenä aqça küçerde.