Bobbi Kolduêll wafat
Ul Amerikanıñ tanılğan muzıkantı, köy yazuçı, barabançı häm cırçısı ide
"What You Won't Do For Love" isemle cırı belän tanılğan djaz, soul ve R&B cırçısı Bobbi Kolduêll 71 yäşendä wafat buldı.
Xäläl cefete Mêri Kolduêll sänğat’çeneñ soŝial’ säxifädäge akkauntında yazma açıqlaw yasap: “Bobbi öyendä yaqtı dön’yadan kitte. Yanıbızdan kitkändä anı qısıp qoçaqladım. Ğomerlekkä qayğı êçendä min.”
Soñğı 6 yıl buyı tormış iptäşeneñ sälamätlegendä problemalar buluın äytkän Mêri Kolduêll doğa uquçılarğa räxmäten belderde.
Muzıka tormışın 17 yäşendä “Katmandu” isemle törkem äğzase bularaq başlap cibärgän Kolduêll 1970nçe yıllarda rok sänğat’çese Little Richardnıñ ritm gitarçısı buldı.
Kolduêll 1978dä çığarğan "What You Won't Do For Love" cırı Billboardnıñ “İñ küp tıñlanğan 100 cır” isemlegendä 9nçı buldı.
Üz kar’yerasında 19 al’bom çığarğan Kolduêll küp kenä fil’mğa köy dä yazdı.
