Türkiyä turist cälep itärgä däwam itä

Türkiyä säyäxät agentlıqları berlege idarä şurası başlığı Firuz Bağlıkaya 6nçı fevral’dä barlıqqa kilgän Kahramanmaraş êpiśentrlı cirteträwlärdän zıyan kürgän şähärlärneñ turizm bazarında möhim urınğa iyä buluın belderde.

Bağlıkaya bu töbäklärneñ bigräk tä gastronomiya häm mädäniyät turlarınıñ alıştırğısız marşrutlarnıñ başında toruın iskärtep uzdı.

Cirteträwneñ 2023nçe yıl turizm maqsatlarına yoğıntısı turındağı sorawğa Bağlıkaya: “Bez yäşägän bu zur fäläqätneñ turizm tarmağına çağılışların aldıbızdağı könnärdä tağın da anıq itep küräçäkbez. Bu cähättän ITB Berlin turizm yärminkäsendä bez urnaştıraçaq êlemtälär häm ütkäräçäk söyläşülär bik zur ähämiyätkä iyä,” – dip cawap birde.

Bağlıkaya: “Türkiyäneñ tradiśion bularaq iñ yuğarı turizm potenśialına iyä bulğan bazarlardan qızıqsınu däwam itä. Bu cähättän Awrupada Germaniya, Rusiyä, Angliya, Pol’şa, Niderland kebek illärdän yasalğan bron’när alğı planğa çığa,” – dip äytte.

7nçe-9nçı martta Germaniyada uzaçaq ITB Berlin yärminkäsendä qatnaşularına tuqtalıp uzuçı Bağlıkaya ITB Berlin yärminkäsennän soñ xalıqara êlemtälärne däwam itteräçäklären häm ilgä dönyanıñ dürt ber yağınnan turist cälep itü öçen êşçänlek alıp baraçaqların belderde.