Kapadokiyägä ğıynvarda kilüçelär rekord yasağan
Türkiyäneñ älege üzençälekle urını torğan sayın kübräk turistnı üzenä cälep itä
Kapadokiyägä kilüçelär ğıynvar ayında rekord däräcägä citte. Tarixi, mädäni baylıqları häm tabiğıy maturlığı belän cirle häm çit il turistların üzenä tartuçı älege cirlek uzğan ayda 174 meñ 222 keşene qunaq itkän.
Nevşehir xakimiyätennän yasalğan belderügä qarağanda, iñ kübe Zelve qaldıqlarına barğannar, barlığı 49 meñ 467 keşe. İkençe urında - Görämä açıq hawa muzeyı. Anı 48 meñ 287 keşe barıp qarağan. Qaymaqlı cir astı şähärenä isä 27 meñ 113 keşe töşkän.
Ğıynvar ayına qarağanda, Kapadokiyägä 2019nçı yılda 123 meñ 244, 2020dä - 159 meñ 245, 2021dä - 42 meñ 560, uzğan yıl isä 88 meñ 677 meñ turist barğan.
İndoneziyädän kilgän Asman Adu muzeylarnı häm qızıqlı urınnarnı qarap çıqqannan soñ Kapadokiyäneñ başqa cirdä bulmağan ğacäyep tabiğat’kä iyä buluın belderä. “Bu iskitkeç urın. Tirä-yün’däge tarixi qorılmalar şaqqattırğıç küreneşkä iyä. İlemä qaytqaç, monda töşergän fotolarnı duşlarıma kürsätäçäkmen,”-di ul.
Şulay uq İndoneziyädän kilgän Muda Yadav isä qıyalarğa çoqıp yasalğan tarixi çirkäwlärdä İncildäge motivlarnı sürätlägän freskalarğa xäyran qaluın söyli. Ul cirlektä, ozaq yıllar uzuğa qaramastan, saqlanğan xaräbälärne qarawın äytte.
