Dön’yadağı iñ zur êbru äsäre

Dön’yadağı iñ zur êbru äsäre başqala Änkarada kürgäzmägä quyıldı. Anı räsem uqıtuçısı häm sänğat’çe Ali Şäntürk belän uquçısı Xikmät Akçälik yasağan. Äsär 31 metr ozınlığında.

Ali Şäntürk kürgäzmäneñ açılışında Anadolu agentlığına Ginnesnıñ rekordlar kitabına kergän xezmäte turında söyläde. Ul êbru sänğate belän 1996nçı yılda qızıqsına başlıy. Anıñ Franśiyädä, Germaniyädä häm Türkiyädä älege texnika belän êşlägän äsärläre kürgäzmägä quyılğan. Xäzergä qadär 16 kürgäzmäse bulğan.

Şäntürk 2 äsäreneñ Ginnes rekordlar kitabına kerüen citkerä. Xäzerge waqıtta kürgäzmägä qutılğanı 31 metr ozınlığında häm 1,5 metr kiñlegendä. Anda Täwxid süzläre yazılğan.  

Şäntürk rekord zurlıqtağı äsärne uquçıları belän bergä ber öleş räweşendä yasawların söyli.

Sänğat’çe êbru texnikasınıñ däwalaw üzençäleklärenä iyä icat buluın söyli häm härkemne anıñ belän şöğıl’länergä çaqıra.

Êbru kürgäzmäse 10nçı fevral’gä qadär bara.