Antaliyada turizm

Koronavirus kizüe waqıtında “İmin turizm sertifikatı” programması belän turistlarnı qabul itkän häm uzğan yılnı 13 million yarım çit il keşese kilgän Antaliyada 2023 yıl tizlek belän başlanıp kitte.

Mädäniyät häm turizm mödirlege mäğlümatlarına kürä 2023 sezonı öçen ömetle atmosfera bulğan şähärdä ğıynwarda hawa transportı belän kilgän çit il turistı sanı uzğan yıl belän çağıştırğanda 58%ka arttı.

İñ küp turist cibärgän illär arasında härwaqıttağı kebek Rusiyä berençe buldı.

Rusiyädän ğıynwar ayında 71 752 qunaq kilde. Bu ildän soñ 35 214 turist belän Germaniya, 13 512 turist belän Angliya, 8086 turist belän Pol’şa häm 7570 turist belän İzrail kilä.

Berençe unlıqta isä Qazaqstan, Ukraina, Niderland, Yordaniya häm Bel’giya urın aldı.