TRT fil'mnarı 117 büläk aldı
TRT xezmättäşlegendä töşerelgän 36 fil’m yıl buyı 218 kinofestival’dä qatnaştı
Milli häm xalıqara kinofestival’lärdä yarışqan Törkiyä teleradiokompaniyase TRT xezmättäşlegendä töşerelgän fil’mnar 2022 yılda tuplam 117 büläk aldı.
TRTdan yasalğan açıqlawğa kürä TRT xezmättäşlegendä töşerelgän 36 fil’m yıl buyı 218 kinofestival’dä qatnaştı.
Törek kinematografiyaseneñ täcribäle rejissyerları belän yäş’ talantlar TRT xezmättäşlegendä üzençälekle fil’mnar töşerde.
Kann, Sandêns, Veneŝiya, Lokarno, Berlin, Toronto, Tokio häm Sarayevo kinofestival’läre kebek şaqtıy çarada köç sınaşqan fil’mnar xalıqara festival’lärdän 85 büläk belän qayttı.
Kann festivalendä “Altın Pal’ma” bülägen yawlağan “Sağış öçpoçmağı” (Hüzün Üçgeni) fil’mı Awrupanıñ Oskarı bularaq kürelgän Awrupa Fil’m büläklärendä isä “İñ yaxşı fil’m”, “İñ yaxşı rejissyer”, “İñ yaxşı sŝenariy” häm “İñ yaxşı aktyer” büläklären aldı.
“Altın Şar” büläklärendä komediya kategoriyasendä “İñ yaxşı fil’m” belän “İñ yaxşı yärdämçe aktrisa” namzäte bulğan fil’m Oskar yarışında isä töp kategoriyalärdä favorit fil’mnar arasında kürsätelä.
“95nçe Akademiya” büläklärendä “İñ yaxlı xalıqara fil’m” kategoriyasendä köç sınaşaçaq kandidat fil’mnar arasında TRT xezmättäşlegendä töşerelgän “Klondike” belän TRT yärdämendäge “A Ballad”, "A Piece of Sky" häm "Victim” urın aldı.
"Antaliya Altın Äflisun kinostivale", "Buğazêçe kinofestivale" ve "İstanbul kinofestivale"ndä yarışqan 17 fil’m 32 büläk qazandı.
Yıl buyı 18 fil’m kürsätelde.
İñ küp qaralğan 10 fil’mnan 3ese TRT xezmättäşlegendä töşerelde.
"Kiseşü: Äle yarıy sin bar, Ärän” filme 35 atna buyı vizionda qaldı.
Bu fil’mnı 2 million 327 281 tamaşaçı qaradı.
