Serbiyä ilbaşı Marokkonı yaqlıy
Aleksandr Vuçiç Dön'ya kubogında öçençe urın öçen köräştä Xorvatiyäne yaqlamayaçağın belderde
1919962
Serbiyä ilbaşı Aleksandr Vuçiç FİFA Dön’ya kubogında öçençe urın öçen uzaçaq Xorvatiya-Marokko matçında Afrika komandası öçen canataçağın äytte.
“Xorvatiyäne yaqlawçı härkemne täbrik itäm. Min Argentina belän Marokko yaqlı. Kürşeläregezne saylıy almıysız, Täñre sezne anda barlıqqa kitergän, tik duslarığıznı saylıy alasız,”-dide Aleksandr Vuçiç.
Serbiyä ilbaşı härkemne xörmät itüen assızıqlap bolay däwam itte: “Diñgez öçen Xorvatiyägä barırğa bula, tik min barmam. Xorvatiyäne yaqlıy alasız, tik min yaqlamam. 2022 FİFA Dön’ya kubogında 3nçelek matçında Marokkonı yaqlayaçaqmın”.
Xorvatiyä-Marokko oçraşuı irtägä Türkiyä waqıtı belän säğat’ 18.00dä başlana.
