İstanbulğa üktäbrdä kilgän turist sanı artqan

İstanbulğa üktäbr’ ayında kilgän turist sanı, uzğan yılnıñ şuşı uq çorına qarağanda 37%qa artıp, 1 million 584 meñ 692 buldı

1911886
İstanbulğa üktäbrdä kilgän turist sanı artqan

İstanbul mädäniyät häm turizm mödirlege mäğ’lümatlärenä kürä, şähärdä bıyıl berençe 10 ayda tuplam 13 million 372 meñ 526 turist bulıp kitkän.

İstanbul bıyıl üktäbr’dä uzğan yılğa qarağanda 37% artu belän 1 million 584 meñ 692 turistnı qabul itte.

Üktäbr’ ayında 1 million 538 meñ 452 keşe hawa, 46 meñ 240 keşe isä diñgez yulı belän şähärgä kilgän.

Şuşı ayda İstanbulğa kilgän turistlar arasında 185 meñ 339 keşe belän Rusiyälelär berençe urında.

Rusiyädän soñ 116 meñ 219 turist belän Germaniya, 94 meñ 579 turist belän İran, 72 meñ 428 turist belän Amerika Quşma Ştatları, 62 meñ 510 turist belän Angliya, 55 meñ 389 turist belän Franśiya, 48 meñ 999 turist belän Soğud Ğäräbstanı, 40 meñ 788 turist belän İtaliya, 40 meñ 108 turist belän İzrail, 33 meñ 691 turist belän Ğıyraq, 31 meñ 740 turist belän Üzbäkstan, 29 meñ 172 turist belän İspaniya, 28 meñ 676 turist belän Yordaniya, 27 meñ 624 turist belän Marokko, 26 meñ 995 turist belän Hindstan kilä.

Üktäbr’ ayında İstanbulğa 194 ildän turist kilgän bulsa, Tonga häm Solomon utrawlarınnan berär keşe, Naurudan häm Makaodan ikeşär keşe şähärne ziyarät qılğan.



Bäyläneşle xäbärlär