Angliya-İran matçı tarixqa kerde

Futbol buyınça Dön’ya kubogında rekord quyıldı

1909253
Angliya-İran matçı tarixqa kerde

2022nçe yılğı FİFA Dön’ya kubogınıñ iñ favorit komandalarınıñ berse Angliyä cıyılması B törkemendäge täwge matçında İrannı 6-2 ciñde.

Xalıqara Xalifä stadionında uzğan oçraşu belän Braziliyä futbol federaśiyäsennän Rafaêl’ Klaus citäkçelek itte.

Matçnıñ berençe yartısındağı 14 minutlıq östämä waqıt Dön’ya kubogında rekord bularaq tarixqa kerde. Moña İran qapqaçısı Beyranvendnıñ üz komandasındağı Xuseyni belän bäreleşüe häm travma aluı säbäpçe buldı. Yaqınça 8 minut däwam itkän mediśina yärdämennän soñ ul matçnı däwam itärgä teläde, tik berazdan başınıñ äylänüen belderep cirgä yığıldı. Qapqaçını qırıyğa alıp çıqtılar, anıñ borını sınğan bulu ixtimalı bar ikäne äytelde.

Beyranvendnıñ urınına İran qapqasına Säyäd Xuseyni bastı. Matçnıñ ozaq waqıt tuqtalıp toruı arqasında berençe yartığa 14 minut östälde. Bu Dön’ya kubogında rekord külämdä östämä waqıt.  

Matçnıñ ikençe yartısı isä 10 minutqa ozaytıldı.



Bäyläneşle xäbärlär