“Tay” mul’tfil’mı 6 ildä kürsäteläçäk
Animaŝion fil’mnı Türkiyädä vizionğa kergännän soñ 300 meñ keşe qaradı
Törkiyä teleradiokompaniyase TRTdan yasalğan açıqlawğa kürä TRT Çocuk kanalının belgeç psixologları, balalarnı üsterü buyınça belgeçlär häm kontent möxärrirläre öleş kertep äzerlängän mul’tfil’m Soğud Ğaräbstanı, Qatar, Berläşkän Ğaräp Ämirlekläre, Baxreyn, Oman häm Kuveytta kürsäteläçäk.
Yaqın Könçığışta vizionğa kergän berençe törek animaŝion fil’mnı Türkiyädä vizionğa kergännän soñ 300 meñ keşe qaradı.
Fil’mda änisen êzläwçe Riyah isemle taynıñ qaraqlardan qaçqan waqıtta Jabal isemle döyä belän tanışuı, annarı bergäläp Mädinägä baruları anlatıla.
3D animaŝion törendäge mul’tfil’m yärdämendä ayıruça mäktäp çorındağı balalarda fidaqarlıq, ömet häm märxämät kebek xis-toyğılarnıñ üsterelüe häm Päyğambärebezgä qarata söyüne arttıru maqsat itelä.
