Nämrut tawına kilüçelär sanı
BMOnıñ YUNESKO mäğarif, belem häm mädäniyät oyışması Bötendönya mädäniyät miras isemlegendäge 2 meñ 150 metr biyıklektäge Nämrut tawına yıl axırına qadär 250 meñ turistnıñ kilüe kötelä.
“Yefäk yulı üseş” agentlığınnan yasalğan belderügä kürä, 2 meñ yıllıq Kommagena śivilizaśiyäsenä qarağan däw häykällär urnaşqan Nämrut tawı belän bergä Perre borınğı qalası, Kahta qal’ğası, Cändärä küpere, Qara qoş qurğanı, Arsemia xäräbälär urını häm yaqınça 300 xäräbälär mäydanı belän "açıq havada muzey” wazğıyätendäge Adıyaman cirle häm çit il turistların qabul itä.
Belderüdä Adıyaman vilayäte başlığı (gubernatorı) Mahmut Çuhadarnıñ Kommagena śivilizaśiyasınıñ iñ möhim äsärlärennän Kahta qal’ğasınıñ yaqınça 15 yıl alıp barılğan restovraśiyä êşçänlege näticäsendä uzğan ayda açıluı turındağı süzläre citkerelgän.
Adıyamannıñ Kommagena patşalığınıñ “yöräge” buluın iskärtep uzuçı Çuhadar:
"Cir östendä bulğanı qadär cir astında da äsärebez bar, çığarıluın kötä. Perre borınğı qalası, Cändärä küpere, Qara qoş qurğanı, Arsemia borınğı qalası, Kahta qal’ğası häm Nämrut – qararğa kiräk bulğan urınnar. Êçke häm xalıqara turizmnıñ töp noqtasına layıq urınnar. Uzğan yılda Nämrutta 165 meñ cirle häm çit il turistı bulıp kitte. Bıyıl sentyabr’ ayınıñ 15endä şuşı sanğa cittek. 250 meñ turistnı maqsat itäbez. Bu sannı kiläse yıl öçen 300-350 meñ dip uylıybız”, - dide.
