Bötendön’ya küçmä xalıqlar uyınnarı räsmi räweştä açıldı

Bursanıñ İznik rayonında Bötendön’ya Êtnosoport konfederaŝiyase tarafınnan oyıştırılğan Bötendön’ya küçmä xalıqlar uyınnarınıñ räsmi açılış tantanası Türkiye ilbaşı Räcäp Tayyip Ärdoğan qatnaşında tormışqa aşırıldı.

İznik küle yar buyında barlıqqa kiterelgän urında uzğan açılış tantanasında Türkiye ilbaşı Räcäp Tayyip Ärdoğan belän ber rättän İlbaşı yärdämçese Fuat Oktay, Qırğızstan däwlät başlığı Sadır Caparov, Tön'yaq Kipr Törek Cömhüriyäte prezidentı Êrsin Tatar, Tatarstan däwlät başlığı Röstäm Miñnexanov, Bötendön’ya Êtnosport Konfederaŝiyase başlığı Bilal Ärdoğan, Yäşl’lär häm Sport ministrı Mäxmät Muharräm Kasapoğlu häm yuğarı däräcäle isemnär qatnaştı.

Tantanada Bötendön’ya Küçmä xalıqlar uyınnarın tanıtuçı fil’m kürsätelde. Çara törki xalıq biyüläre belän däwam itte.

Bursada soñğı yıllarda oyıştırılğan xalıqara iñ zur çaralardan berse bulğan programmada törki dön’yanıñ fol’klorı, milli kiyemnäre, muzıkası häm biyüläre urın aldı.

Açılış tantanası feyerverk beläñ tögällände.