Gordionnıñ Gordion ikänen raslawçı berençe tabıldıq

Törkiyä başqalası Änkaradağı arxeologik qazınularda anıñ tarixi iseme kergän yazu tabıldı

1865204
Gordionnıñ Gordion ikänen raslawçı berençe tabıldıq
gordion yazıt.jpg

Frig’yalılarnıñ başqalası bulğan Gordiondağı qazınu mäydanında antik qalanıñ iseme yazılğan taş tabıldı.

Älege cirlekne Änkaranıñ Polatlı rayonında 1893nçe yılda başlanğan Berlin-İstanbul-Bağdad timer yulı tözeleşe waqıtında bertuğan Al’fred häm Gustav Körte aça. 1900nçe yılda 3 aylıq qazınu êşläre bula.

Körte qardäşlär antik qalanıñ frig’yalarnıñ başqalası Gordion ikänen bilgeläsä dä, bügengä qadär anı raslawçı dokument tabılmağan ide.

Ozaq waqıt tuqtalıp torğannan soñ arxeologik qazınular 1950nçe yılda qabat başlana. Bügen êşçänlekne Pensil’vaniyä universitetı muzeyınnan professor Brayan Rouz citäkçelegendäge törkem alıp bara.

Bıyıl antik qalanıñ tışqı şähär dip ataluçı urınında frig’yalılar telendä taş yazu tabıldı. Ul bezneñ êrağa qadär 281nçe-261nçe yıllarda xakimlek itkän Antiox I çorına qarıy. Taş - Gordion ataması iskä alınğan berençe häm berdänber yazu. Anıñ kurgan-qaberlek belän bäyle buluı uylanıla. Älege taş Gordinda tabılğan iñ ozın yazu bularaq ta iğ’tibarğa layıq.    

Şähär bezneñ êrağa qadär 540-333nçe yıllar arasında Farsı imperatorlığınıñ xakimlegendä bulğan.  Yazuda ber farsı ir-atınıñ iseme dä urın ala.

Anadolu mädäniyätläre muzeyı mödire urınbasarı, arxeolog Umut Alagöz belän filolog Rostislav Oreşko yazu turında centekle mäğ’lümatnı bastıru öçen äzerli.



Bäyläneşle xäbärlär