Qıtayda 900 yıllıq küper yanıp köl buldı

Qıtaynıñ Fuśzyan’ provinśiyäsendäge 900 yıllıq tarixı bulğan Van’an’ küpere yanğında kölgä äylände.

İlneñ kommunistlar partiyäse matbuğat organı “Global Tayms”nıñ xäbärenä qarağanda, Sun dinastiyäse çorında taş häm ağaçtan tözelgän arkalı küperne sünderü öçen yaqınça 10 säğat’ tırışlıq quyalar. Yalqın çolğap alğan qorılma yana-yana işelep töşä.

Yanğınnıñ kilep çığışı belän bäyle tikşerü bara.

Qıtaynıñ tarixi arxitektura belgeçläre yanğınnıñ tabiğıy säbäplär arqasında başlanuın uylamıy. Alar sunıñ östendäge küpergä ut qabuınıñ bik siräk küreneş buluın äytä. Küpçelek fikerençä, yanğın keşe qulı näticäse.

“Dön’yaküläm solıx küpere” dip tä ataluçı Van’an’ Qıtaydağı iñ ozın borınğı ağaç küper ide. Anıñ ozınlığı 98 metrdan artıq.

Küperdä monnan alda da yanğın çıqqan bulğan. Anda zarar kürgän öleşlären tözekländergännär.