Awrupa Berlege Törkiyäneñ turizm kampaniyälären terkäde

Awrupa Berlege küptän tügel ilneñ turizm kampaniyäläre öçen Änkaranıñ “Törkiyäneñ Ägäye”( TürkÊgesi) markasın terkäw üteneçen rasladı

1852275
Awrupa Berlege Törkiyäneñ turizm kampaniyälären terkäde

Bu yaña turizm kampaniyäse Törkiyäneñ Ägäy yarına turistlar kilüne arttırunı maqsat itep quya.

Awrupa Berlege küptän tügel ilneñ turizm kampaniyäläre öçen Änkaranıñ “Törkiyäneñ Ägäye”( TürkÊgesi) markasın terkäw üteneçen rasladı.

“Bäxet - şatlıq yarı” dip tanıtılğan Törkiyäneñ Ägäy töbäge "cännät" kebek plyajları, iskitkeç rizıqları,küp tarixi urınnarı belän ilneñ iñ populyar cäyge yal urınnarınıñ berse.

Greśiya Ägäyne üz töbäge dip dön’yağa qabul ittergäç ,Törkiyä uzğan yıl “Törkiyäneñ Ägäye” ( TürkÊgesi) markasın terkäw öçen Awrupa Berlegeneñ İntellektual’ milek ofisına möräcäğat’ itte.

Mäxmät Nuri Ärsoy ,Törkiyä mädäniyät häm turizm ministrı:

“Törkiyäneñ Ägäy töbäge - ilebezneñ iñ mähabät töbäkläreneñ berse.

Çista, saf zäñgär sular belän uratıp alınğan yar buyı bezneñ êrağa qadär 2 nçe ğasırğa qarağan tarixi urınnar, çista, matur, "cännät" kebek  plyajlarğa iyä”.

Awrupa Berlegeneñ bu markanı xuplawı Greśiyädä küplärneñ açuın çığardı.

Greśiya bu qararnıñ yañadan qaraluın taläp itä.

Törkiyä belän Greśiya arasındağı kiyerenkelek Afinanıñ Ägäy utrawların qorallandıruınnan soñ tağın da arttı.

Törkiyäneñ qarşı çığuına häm xalıqara kileşülärdän tuğan yöklämälärenä qaramastan Greśiya utrawlarnıñ xärbi bulmağan statusın bozunı däwam itä.

Greśiya utrawlarnı 1960 nçı yıldan birle qorallandıra.

Greśiya älegä qadär Könçığış Ägäy utrawlarınıñ 16sın qorallandırdı.



Bäyläneşle xäbärlär