Antaliyağa 4 millionnan artıq turist kilde

Bıyıl 1-26nçı iyun’ könnärendä yulçı sanı 1 million 596 201 buldı

1848794
Antaliyağa 4 millionnan artıq turist kilde

Antaliyağa bıyıl oçqıç belän kilgän çit il turistı sanı uzğan yılnıñ şul uq çorına kürä 193%lık artış belän 4 million 11 508 keşegä citte.

Vilayat’ idaräsennän yasalğan açıqlawda bolay diyelä: “Koronavirus arqasında 2021nçe yılda Antaliyağa barlığı 9 million turist kilde. 2022neñ turizm kürsätkeçläre uzğan yılnıñ kürsätkeçläre belän çağıştırğanda küpkä arttı. Mädäniyät häm turizm ministrlığı ğamälgä kertkän ışanıçlı yal sertifikatı, turizm tarmağı kürsätkän imin häm sıyfatlı xezmät, kilüçelärneñ qanäğat’ qaluları bu artıştağı iñ zur faktör buldı. 2022nçe yılnıñ 1nçe ğıynwar-26nçı iyun’ çorında şähärgä oçqıç belän kilgän turist sanı uzğan yılnıñ şul uq çorına kürä 193%lık artış belän 4 million 11 508gä kütärelde.”

Açıqlaudan kürengänçä Antaliyağa uzğan yılnı bu çorda 1 million 368 630 çit il turistı kilgän. Bıyıl isä 1-26nçı iyun’ könnärendä genä yulçı sanı 1 million 596 201 buldı.

Açıqlauğa kürä rus häm awrupalı turistlar belän ber rättän şähärgä könenä urtaça 70 meñ çit il turistı oçqıç belän kilde.



Bäyläneşle xäbärlär