“TRT Balkan” täq’dir itelde

Borınğı Skop’ye säwdä mäydançığında urnaşqan Kurşunlu kärvan-sarayında oyıştırılğan programmada Törkiyäneñ Skop’ye ilçese Hasan Mäxmät Säkizkök, TRT İdarä şurası başlığı Ahmät Albayraq, TRT Ğomum mödire Mäxmät Zahid Sobacı, TRT Ğomum mödir urınbasarları Ömär Faruk Tanrıvärdi, Möxämmäd Ziyad Varol, Fäthi Fahri Kaya, Mostafa Malkoç belän bergä säyäsmännär, ildäge törek oyışmalarınıñ wäkilläre häm çaqırılğannar qatnaştı.

Programma qısalarında “TRT Balkan” tarafınnan äzerlängän tanıtu videoyazmaları häm äñgämälär kürsätelde.

TRT Ğomum mödire Sobacı biredä yasağan çığışında, küñel geografiyasında ayırım urını bulğan Rumäli, Ävlad-ı Fatixan cirläre Skop’yağa kilüdän şat buluın belderep, Tön’yaq Makedoniya belän ber rättän Balkan geografiyası belän Törkiyäneñ köçle bäyläneşeneñ bar närsädän êlek nıq küñel bağlanışınnan toruın bilgeläp uzdı.

TRTneñ Balkandağı êtnik mozaikasınıñ häm mädäni baylığınıñ öleşe bulğan qawemdäşlär öçen töp watannan awaz, sulış buluın belderüçe Sobacı TRTgä kürsätelgän bu xuplawnı cawapsız qaldırmaw öçen qullarınnan kilgän ğayrätne kürsätülären citkerde.

“TRT Xäbär”, “TRT Awaz” häm “TRT Türk” kebek televideniye kanalları aşa töbäktän xäbärlärne êkrannarğa citkerü belän bergä Balkanğa qağılışlı dokumental’ fil’m, säyäxät tapşıruları, serial, kinofil’m kebek törle yazmalar belän töbäkneñ dönyağa añlatıluına öleş kertülären añlatuçı Sobacı:

"Törkiyäneñ töbäk tellären dä üz êçenä alğan 41 teldä häm şiwädä alıp barğan tapşırularına xäzer “TRT Balkan” sanlı xäbär platformabıznı östäp, yaña ülçäm qazandırabız. Uzğan atnada bez Änkarada oyıştırğan açılış belän “TRT Balkan” sanlı xäbär platformabız êşçänlegenä başladı. “TRT Balkan” belän arabızdağı bağlanışlarnıñ tağın da köçäyäçägenä häm töbäktä xäbärçelek ölkäsenä yaña sulış kiläçägenä ışanam. “TRT Balkan” Balkan tellärendäge yazmaları belän êçtän awaz buluı belän ber rättän töbäkneñ häm Törkiyägä, häm dä dönyağa açılğan yaña yöze bulaçaq. Platformabız ber ük waqıtta yörägeneñ ber öleşen biredä qaldırıp Anadoluğa küçkän häm Balkannı qızıqsınu belän küzätkän yözlärçä meñ Rumeli möhacire tarafınnan da küzätep barılaçaq”, - dip äytte.

Balkannıñ ğasırlar buyı qardäşçä yäşäwgä qoçağın açqan geografiya buluın añlatuçı Sobacı Balkannıñ borınğı qalası Skop’yedä töreklär, makedonnar, albannar häm bosniyalılarnıñ bergä yäşäwen bilgeläp uzdı.

Tulı wäqalätle ilçe Säkizkök ta dönya markası bulğan TRTneñ xäbär häm tapşırular ölkäsendäge berekmäsen, täcribäsen häm sıyfatın yaña iniśiativa belän Balkanğa citkerüen qotlaw öçen cıyıluların äytte.

Çığışlardan soñ Balkan xalıq cırları konśertı oyıştırıldı.

Töbäk xalqın häm töbäkne qızıqsındırğan mäs’älälärne global’ däräcädä yaqtırtu maqsatı belän êşçänlegenä başlağan yaña sanlı xäbär platforması “TRT Balkan” makedon, alban, bosniya, xorvat häm serb tellärendä yazmalar äzerli.

“TRT Balkan” şuşı tellärdä söyläşüçe 30 millionnan kübräk keşegä möräcäğät itä.