TRT Balkan sanlı xäbär platforması êşli başladı

Başqala Änkarada oyıştırılğan “TRT Balkan”nı tanıtu cıyılışında Törkiyä Böyık Millät Mäclese Başlığı Mostafa Şäntop, İlbaşı idaräse êlemtä başlığı Fahrättin Altun häm TRT Ğomum mödire Mäxmät Zahid Sobacı çığış yasadı.

Törkiyä parlamentı başlığı Şäntop Balkandağı 7 ilgä 5 teldä barıp ireşäçäk “TRT Balkan”nıñ yazmalarınıñ xäyerle buluın teläde.

Törkiyä häm Balkannıñ urtaq mirasın media häm mäğarif belän kiläçäkkä alıp barunıñ üzläre öçen ideya häm ideal’lärneñ iñ yuğarı däräcäsenä äwerelüenä basım yasawçı Şäntop: "Balkandağı törek häm möselman qardäşlärebez belän mäğarif oyışmalarıbız häm “TRT Balkan” yärdämendä böten bağlanışlarıbıznı tağın da nığıtaçaqbız, inşallah", - dide.

İlbaşı êlemtä başlığı Altun, “TRT Balkan”ğa ozın ğomerle häm uñışlı êşçänlek teläp: "Min “TRT Balkan”nıñ da yänä xörmätle İlbaşıbıznıñ liderlığında ilebezneñ xalıqara mäydanda alıp barğan köräşendä möhim rol’ne üz östenä alaçağına häm şuşı ğadälät köräşeneñ Balkan geografiyasında alıp baruçı êlementlarınnan berse buluına, Balkan geografiyasınıñ xalıqara mäydandağı köçle awazı bulaçağına ışanam”, - dip äytte.

Altun “TRT Balkan”nıñ töbäktäge çınbarlıqnı tışqı köçlärneñ tügel, töbäk aktyorlarınıñ awızınnan, küzennän böten dönyağa citkeräçägenä basım yasadı.

TRT Ğomum mödire Sobacı da dönyanıñ şaqtıy töbägendä törle tellärdä başqarğan platformalarğa “TRT Balkan”nı da östäwneñ şatlığın yäşäwlären citkerep:

"Balkanda media köndäşlege şaqtıy qatlawlı qorılışta. Monnan tış qara propaganda êşçänlege açıqtan-açıq sizelgän, qanlı terror oyışması “FETÖ” kebek qorılışlarnıñ yoğıntı mäydanı buldırılırğa tırışılğan nigez bar. Qayber media organnarınıñ taraflı xäbär häm yazmalar âzerlägän, töbäk xalqın dezinformaśiya belän yoğıntı astında totarğa tırışılğan töbäktä küp telle sanlı xäbär platformasın qorıp şuşı tärtipkä qarşı töşäbez”, - dip belderde.

Töbäk xalqın häm töbäkne qızıqsındırğan mäs’älälärne global’ däräcädä yaqtırtu maqsatı belän êşçänlegenä başlağan yaña sanlı xäbär platforması “TRT Balkan” makedon, alban, bosniya, xorvat häm serb tellärendä alıp barıla.

“TRT Balkan” töbäktäge tellärdä söyläşüçe 30 millionnan kübräk keşegä möräcäğät itäçäk.