TRT urtaq fil’mı Awrupa parlamentı bülägenä layıq buldı

Awrupa parlamentı häm Awrupa fil’m akademiyasınıñ tradiśion kino bülägenä bıyıl Bosniya rejissyorı Yasmila Jbaniçnıñ Srebreniśa ütereleşenä bağışlanğan TRT urtaq äsäre "Quo Vadis, Aida?” (Qaya kitäseñ, Aida?) fil’mı layıq buldı

1840445
TRT urtaq fil’mı Awrupa parlamentı bülägenä layıq buldı

"LUX Awrupa" fil’m büläge Franśiyanıñ Strazburg şähärendä oyıştırılğan Awrupa parlamentı ğomum şurasında birelde.

Büläkne Awrupa parlamentı başlığı Roberta Metsoladan alğan Bosniyalı rejissyor Jbaniç Srebreniśa küpläp üterelüe belän bäyle fil’mnı äzerlägän çaqta Bosniya-Hersegovinadağı suğışnı Awrupada yäşängän soñğı suğış bularaq kürüen äytte.

Jbaniç Awrupa parlamentı xalıq ışanıçlılarına möräcäğät itep: "Awrupalılarnıñ Ukrainada suğışqa niçek röxsät birüen añlıy almıym. Barığıznı Ukrainadağı suğışnı beterüneñ yulın tabarğa çaqıram”, - dip äytte.

Awrupa parlamentı başlığı Metsola da fil’mnıñ Srebreniśalı xatın-qızlar häm änilär öçen köçle ğadellek çaqıruı buluın belderep: "Mondıy keşelek cinayäte hiç onıtılmasqa tiyış”, - dide.

Büläk tapşıru tantanası waqıtında “Srebreniśa häm Zepa äniläre” cämğıyäte başlığı Munira Subasiç ta: "Ukrainada änilär yılıy, balalarınıñ söyäklären êzli. Kim digändä berniçä äni tağın da äzräk qayğırsın diyıp Ukrainadağı suğışnı tuqtatuığız öçen sezgä yalwaram”, - dip xalıq ışanıçlıları aldında çığış yasadı.

Bosniya-Hersegovina, Awstriya, Niderland, Franśiya, Pol’şa, Norvegiya, Germaniya, Rumıniya häm Törkiyä urtaq äsäre bulğan “Quo Vadis, Aida?” fil’mı Srebreniśada 1995nçe yılnıñ cäyındä tınıçlıq köçe xärbiläreneñ tärcemäçese bulğan Aidanıñ xikäyäsen añlata.

Srebreniśadağı waqıyğalar ğailäse Berläşkän Millätlär Oyışması lagerında bulğan uqıtuçı Aidanıñ küzlegennän añlatıla.

Fil’m moñarçı da Awrupa fil’m akademiyası tarafınnan oyıştırılğan 34nçe Awrupa fil’m premiyalarında iñ yaxşı fil’m bülägen alğan ide.



Bäyläneşle xäbärlär