İstanbulda TRT büläkläre tapşırıldı

Törkiyä teleradiokompaniyase TRT bıyıl 13nçe tapqır oyıştırğan “Xalıqara TRT Dokumental’ fil’m büläkläre” TRTneñ İstanbul Täpäbaşı studiolarındağı büläk tapşıru tantanası belän azağına yaqınlaştı.

Çarada milli häm xalıqara dokumental’ fil’mnar kürsätelde.

Büläk tapşıru tantanasında Mädäniyät häm turizm ministr yärdämçese Äxmät Misbah Demircan, TRT ğomüm mödire Mäxmät Zahid Sobacı, TRT citäkçeläre, jurnalistlar belän törki dön’ya häm kino dön’yasınnan çaqırılğan qunaqlar qatnaştı.

TRT ğomüm mödire Zahid Sobacı açılışta çığış yasap, keşe zihenen häm yörägen köçle totuçı dokumental’ fil’mnarnıñ qıymmätle buluın assızıqlap: “İlebez global’ ğadellek öçen zur köräş quya, bez dä dokumental’ fil’mnarıbız yärdämendä ğadelsezleklärne kürsätäbez, gumanitar totışqa östenlek biräbez,” – dide.

Uzğan yılnı koronavirus arqasında kiçekterelgän 2021 büläk tapşıru tantanasınıñ dä bıyıl oyıştırıluın äytkän Sobacı: “2 yılda 2618 möräcäğat’ qabul itelde. Bolar - çarabıznıñ dön’yaküläm ülçämdä kürgän qızıqsınunıñ kürsätkeçe. Şunı onıtmağız, tormış ciñülär tügel, ä ğadellek atmosferasında bara,” – dide.

100dän artıq ildän 2618 proyekt möräcäğat’ itkän bäygedä 79 finalist büläk öçen köç sınaştı.

“13nçe Xalıqara TRT Dokumental’ fil’m büläkläre”ndä Xalıqara fil’mnar kategoriyasendä “İñ yaxşı dokumental’ fil’m büläge”n “Only The Wind” fil’mı belän Zofia Kowaleswska, Mädäniyät häm turizm ministrlığı maxsus bülägen “A Parked Life” belän Peter Triest, öçençelek bülägen isä “After The Rain” belän Jian Fan aldı.