İstanbulda TRT EBU sammitı
TRT Törkiyä teleradiokompaniyase qoruçı äğ’zaläre arasında bulğan Awrupa tapşırular berlege (European Broadcasting Union - EBU) wäkilläre İstanbulda oyıştırılğan Media sammitında oçraştı
EBU Media sammitı kiçä häm bügen Awrupanıñ aldınğı däwlät teleradiokompaniyälären cıydı.
Yuğarı däräcäle oçraşunıñ açış çığışın TRT Ğomum mödire Mäxmät Zahid Sobacı häm EBU Ğomum direktorı Noel Curran yasadı.
Angliyadan “BBC”, Franśiyadan “France Televisions”, Germaniyadan “ARD”, İtaliyadan “RAI” kebek 41 ilneñ media kompaniyalarınnan yaqınça 200 yuğarı däräcäle xezmätkär qatnaşqan sammitta däwlät teleradiokompaniya êşçänlegeneñ kiläçäge, däwlät teleradioçılarnıñ cawaplılıqları häm potenśial xezmättäşleklär bäxäsläşelde.
İke könlek çaranıñ yomğaqlaw utırışında çığış yasawçı EBU Media üseş häm yäş’ tamaşaçılar bülege başlığı Madiana Asseraf:
"Bu sammitnıñ aldıbızdağı yılda ütkäreläçäk yuğarı däräcäle oçraşu öçen ilham buluına ömetlänäm. Bez xäzerdän ük inde kiläse yıl öçen dulqınlanabız. TRT bıyıl oyıştırğan sammit belän standartlarnı bik kütärde. Üzlärenä biredän qabat räxmätläremne citkeräm,” – dip äytte.
