"Törek aş-suları atnalığı” uza

21-27nçe may “Törek aş-suları atnalığı” qısalarında ildä häm çit illärdä törek aş-sularınnan maxsus tämlär täqdim itelä.

“Ğasırlıq reŝeptlar belän törek aş-suları” çarası Azärbaycan başqalası Baqıdağı Yunıs Ämrä İnstitutı üzägendä oyıştırıldı.

İlbaşı idaräse ximayasında uzğan çarada küp keşe qatnaştı.

Törkiyäneñ Baqıdağı ilçese Cahit Bağcı biredä çığış yasap: “Törek aş-suları mädäniyäte - dön’yada alğı planğa çıqqan aş-sulardan häm saraylarğa qadär kergän ul," - dide.

Rusiyä başqalası Mäskäwdä oyışırılğan festival’dä dä Törkiyäneñ uram läzzätläre tanıtıldı. Mäskäw xalqı çarağa zur qızıqsınu kürsätte.

Çarada qunaqlarğa uramda satıluçı kotlet, päxlävä, limonad, törek qahwäse täqdim itelde. Törek täm-tomnarın qabıp qararğa teläwçelär ozın çiratlarğa bastı.

Awstriya başqalası Venada isä “Törek aş-suları atnalığı” Yunıs Ämrä çişmäse dä urın alğan Türkenschanzparkta oyıştırılğan çara belän başlandı.

Çarağa kilüçelärgä törek qahwäse häm Maraş tuñdırması täqdim itelde.

Amerika Quşma Ştatlarında da “Törek aş-suları atnalığı”nıñ berençe çarası Kaliforniyaneñ Los-Andjeles şähärendä ütkärelde.

Törkiyäneñ Los-Andjelestağı başkonsullığı oyıştırğan häm şaqtıy il diplomatları qatnaşqan çarada Mikro Art sänğat’çese Xasan Kalä qawhä orlığı östenä räsemnär yasadı.

Törek aş-suları şulay uq Yaponiyaneñ Nagoya şähärendä dä tanıtıldı.