İstanbulda “NEXT by TRT World Forum” uzdı

Forumda yäş’lärneñ kiläçäkne formalaştırudağı köçe häm ähämiyäte turında söyläştelär

1827146
İstanbulda “NEXT by TRT World Forum” uzdı

 

 

2017 nçe yıldan birle oyıştırılğan häm dön’yanıñ möhim problemaları bäxäsläşelgän TRT WORLD forumı jurnalistlar, uqıtuçı-ğalimnär, ictimaği oyışmalar äğ’zaları häm iniśiatorlar üz fikerlären citkergän yaña platformanı tormışqa aşıdı. 14 nçe may könne İstanbuldağı “Zorlu” sänğät’ üzägendä uzğan “NEXT by TRT World Forum”da belgeçlar yäş’lär belän oçraştı , yäş’lärneñ kiläçäkne formalaştırudağı köçe häm ähämiyäte turında söyläştelär.

TRT ğomum mödire Sobacı: "NEXT" - yäş’lärne häm kiläçäkne berläşterä torğan çara"

Törkiyä teleradikompaniyäse TRT ğomum mödire Mäxmät Zahid Sobacı “Metavers häm media: texnologiyäneñ soñğı tendenśiyäse jurnalistikağa niçek täêsir itäçäk?” isemle utırışta qatnaşıp yäş’lärgä möräcäğät’ itte.

 “NEXT – yäş’lärne häm kiläçäkne bergä oçraştıruçı çara. Yäş’lek häm kiläçäk bergä bulğanda bez aña öçençe töşençäne östärgä tiyeş: ul ömet. Çınlıqta dön’yanıñ ğomumi torışına küz salsaq, problemalarnıñ östenlek itüen küräbez. Bez bu problemalarnı çişü öçen kiñäşmä platformaları, qarar qabul itü barışları buldırırğa tırışabız, läkin ber närsägä iğ’tibar itmibez. Ul –möhim çığanaq bulğan yäş’lär. Şuña kürä bez NEXTnı oyıştırdıq,  yäş’lärne isäpkä alırğa telädek. Yäş’lärneñ tabiğatendä icat, fantaziya, innovaśion fikerlär häm dinamizim bar. Ägär bu dinamizmnı problemalarnı çişügä kertmäsägez,bügenge problemalarnı çişüdä qıyınlıqlar kilep çığaçaq. Şuña kürä bez texnologiyäne ütkän buınğa qarağanda küpkä yaxşıraq qullanğan yäş’lärne bu çarağa yünältergä telädek häm  TRT WORLD forumı qısalarında yäş’lärne bu barışnıñ ber öleşe itärgä telädek”,-dide TRT ğomum mödire Sobacı.   

 

Panel’lärdä üzgäreş häm üseşkä basım yasaldı

Planeta problemalarınnan ğaläm turizmına, texnologiya üseşennän cämğıyät’neñ artta qaluına, êş model’läre häm başka bik küp tema bäxäsläşelgän “NEXT by TRT World Forum”da Törkiyädän häm dön’yadan üz ölkäsendä belgeç yäş’lär qatnaştı. Dön’yanıñ üzgärüendä yäş’lärneñ möhimlegenä iğ’tibar cälep itelgän çarada “aktiv grajdanlıq” qa basım yasağan isemnärneñ berse “SosyalBen” (Sośial’Min)  waqıfına nigez saluçı Äcä Çiftçi buldı. “Yäş’lär bularaq, bez ilebez öçen närsä teläsäk, dön’ya öçen dä şunı uq telibez” dide ul häm xezmättäşlekkä basım yasadı.  

Dön’yanıñ berençe metavers agentlığına nigez saluçılar Can Yurdakul, Faisal U-K, Sara Äl Jamal häm  Bägüm Aydınoğlu isä metaversnıñ yaña dön’ya formalaşuına niçek täêsir itäçäge turındağı panel’dä qatnaştılar. Törkem metavers belän çiklärneñ betüen häm dön’yanıñ tağın da kiñäyüen belderep, yäş’lärneñ bu ölkädä niçek êşläwen dä añlattı.

Klimat krizisı turındağı “Planeta öçen tawışıñnı citker: yäş’lärneñ klimat xäräkäte” panele barlıq qartnaşuçılarda zur qızıqsınu uyattı. Panel’dä çığış yasağan yäş’ klimat aktivistı Xiye Bastida bolay dide: “Min olı keşelärneñ küzlärenä qarağanda alarğa “Kiläçägem öçen qurqırğa telämim” diyärgä telim. 2050 nçe yılda 1,2 million klimat qaçaqların küräsem kilmi. Min dön’yanıñ 90%ınıñ yäşi almaslıq bulğanın kürergä telämim”.

Şul uq panel’dä çığış yasağan Neşad Şafi:”Ğaräp yäş’läreneñ klimat xäräkäten başlap cibärüebezneñ säbäbe – töbäktäge yäş’lärneñ tawışların citkerü. Qaywaqıt global’ klimat xäräkäte aq tänle keşelär öçen genä dip uylıym. Massaküläm mäğ’lümat çaraları härwaqıt könbatıştağı klimat konferenśiyälärenä iğ’tbar yünältä”,- dide.

 

Yäş’lärgä küp täcribälär täq’dim itelde

Töp säxnädäge panel’lärgä östäp parallel’ säxnädä dä küp çaralar ütkärelde. Sanlı graffitidan virtual’ çınbarlıqqa qadär şaqtıy çarada täcribä urtaqlaşqan yäş’lär  maxsus qunaqlar belän äñgämälärdä dä qatnaştı. Alar “NEXT by TRT World Forum” da üzara ,milli häm xalıqara oyışmalar belän xezmättäşlek itüdän bik qanäğät’ qaldlar.  



Bäyläneşle xäbärlär