“TRT Franśuzça kanalı xäbärçelektä yaňa sulış bulaçaq”

Altun: "Bügen xalıqara mäydanda berniçä media şirkäteneň xakimlegen, gegemoniyasın küräbez. TRTneň iniśiativası şuşı xalıqara gegemoniyağa qarşı töşü, alternativa buldıru tırışlığı"

1826066
“TRT Franśuzça kanalı xäbärçelektä yaňa sulış bulaçaq”
altun trt fransizca.jpg
Mehmet Zahid Sobaci.jpg

Törkiyä İlbaşı idaräseneň êlemtä başlığı Fahrettin Altun TRT Törkiyä teleradiokompaniyasınıň franśuzça sanlı kanalınıň êşli başlawı belän bäyle bularaq: "Bügen xalıqara mäydanda berniçä media şirkäteneň xakimlegen, gegemoniyasın küräbez. TRTneň iniśiativası şuşı xalıqara gegemoniyağa qarşı töşü, alternativa buldıru tırışlığı”, - dip äytte.

Altun başqala Änkarada oyıştırılğan "TRT Franśuzça sanlı kanalnı tanıtu programması”nda yasağan çığışında bu möhim mizgelgä şahit bulğanı öçen şat buluın citkerde.

Törlelängän radio häm televideniye tapşıruları, sanlı platformaları, brend citeşterüe häm xalıqara çaraları belän TRTneň bügen 7 qıytğada täêsirle bulğan marka buluın äytüçe Altun 2010nçı yılda açılğan TRT ğaräpçä häm 2015nçe yılda qorılğan “TRT World”nıň Törkiyäneň regional’ köç häm global’ aktyor bulu yarışında häm töbägenä häm dönyaküläm mäydanğa barıp citüdä bik möhim mömkinlek buldıruın belderde.

Sanlı platformalarda TRT Rusça häm nemesçäneň da êşli başlawın xäterlätüçe Altun çärşämbe könne êşçänlegenä başlağan TRT Franśuzçanıň xäyerle buluın teläde.

TRTneň 41 teldä häm şiwädä internet saytınıň buluın iskärtep uzuçı Altun TRTneň şuşı xalıqara matbuğat yünäleşendä tawışın işetterä almawçılarnıň awazı bulırğa, kürsätelmägännärne kürsätergä, yäşerengän faktlarnı açıp salırğa tırışuın belderde.

TRT Ğomum mödire Mäxmät Zahid Sobacı da: "TRT Franśuzça sanlı xäbär kanalıbız franśuz telendä êşläwçe media dönyasında zur buşlıqnı tutıraçaq. Yäğ’ni êçtälegendä parametr baylığı, yaňa perspektivalar, tema törlelege häm xäbärlärneň östenlek isemlegendä üzgäreşlär kebek şaqtıy mäs’älädä xalıqara xäbärçelek aňlayışına yaňa sulış alıp kiteräçäk”, - dip äytte.

TRT Ğomum mödire Sobacı: “İslam doşmanlığına häm ksenofobiyağa qarşı xäbärdarlıqnıň artuına öleş kertäçäkbez,” – dide.

Tanıtu kiçäsendä “TRT Français”nıň missiyasın häm vizionını citkerüçe TRT Ğomum mödire Mäxmät Zahid Sobacı: “TRT Franśuzçanıň iň töp missiyalarınnan berse - Franśiya belän bergä franśuz telle illärneň säyäsi, iq’tisadi, sośial’ häm mädäniyät mäs’älälären häm Afrika qıytğasındağı kön tärtiplären TRTneň keşene üzäkkä quyuçı tapşırular aňlayışı belän xalıq iğ’tibarına citkerü. Dön’ya külämendä 300 millionnan kübräk keşe söyläşkän bu teldä original’ yazmalar äzerläw – törlelek häm tiränlek nigezläre qısalarında keşelärgä yaňa töşençälär häm işeklär açu mäğ’näsenä turı kilä. Waqıyğalarnıň barı tik bügengesenä genä tügel, uzğanlığına häm buluı mömkin kiläçägenä işarät yasaw xäbärdarlıq häm aň-belem buldıruğa möhim öleş kertä”, - dip fikerlären citkerde.

“TRT Français”nıň böten dönyada tiz artqan İslam doşmanlığı häm ksenofobiya belän köräş alıp barunı da maqsat itüen iskärtep uzuçı Sobacı: “Monnan tış TRT franśuzçanıň xalıqara matbuğat çeltärenä quşıluı belän bigräk tä Awrupa belän bergä böten dönyada diyärlek artqan İslam doşmanlığına häm ksenofobiyağa qarşı xäbärdarlıqnıň artuına öleş kertäçäkbez. Törkiyäneň global’ humanitar säyäsätläreneň häm ğamälläreneň aňlaşıluında möhim rol’ne üz östenä alaçaqbız. Mädäniyät, sänğät, sport häm tarix ölkäsendäge baylığıbıznı tağın da kübräk keşegä citkeräçäkbez. Monı citeşterüçänlekne täşviq itüdä, icatnı qızıqsındıruda, ike yaqlı aňlayışqa nigez äzerläwdä häm mädäniyät törlelegendä qoral bulu öçen başqaraçaqbız,” – dip belderde.



Bäyläneşle xäbärlär