26 tapqır Êverestqa kütärelde

52 yäş’lek nepallı Kami Rita dön’yadağı iñ biyek noqta Êverst tawınıñ oçına 26nçı tapqır ürmäläde häm üzeneñ rekordın üze ük uzdırdı. Ul al’pinistlarğa yul kürsätüçe bulıp êşli .

“Press Trust of India”nıñ xäbärenä qarağanda, Rita tawnıñ kön’yaq-könçığış sırtı buyınça 8 meñ 848 metr biyeklekkä menä. Şulay itep, ul ber törkem al’pinist belän 26nçı kütäreleşen uñışlı başqarıp çığa.

Nepal mädäniyät häm turizm ministrlığı wäqalätlese Taranatx Adxikari “Kami Rita üz rekordın uzdırdı häm tawğa menüdä yaña dön’ya rekordı quydı” dide.

Êverestqa kütärelü öçen bıyıl 316 keşegä röxsät birelgän.

Nepal häm Tibet arasında yäşäwçe Gimalay tawları aborigennarın şerpa dip yörtälär. Alar, tawlı cirlekne yaxşı belgängä, al’pinistlarğa yul kürsätüçe bularaq yärdäm itä.