Rusiyäneñ basketbol komandalarına naçar xäbär

Alarnı Awrupa ligalarınnan qudılar

1800226
Rusiyäneñ basketbol komandalarına naçar xäbär

Ukrainağa suğış açqan Rusiyägä sport dön’yasınıñ sankśiyäläre däwam itä. Rus basketbol klubları THY Awrupa ligası häm ULEB Awrupa kuboğınnan räsmi räweştä quıldı. Komandalar uynağan barlıq matçlar ğamäldän çığarıldı.

Monnan alda EuroLeague oyışması yaña qararğa qadär Rusiyä komandaları öçen sezonnıñ “tuñdırıluın” beldergän ide.

Soñğı belderü belän ŚSKA Moskva, Uniks Qazan, Zenit Sankt-Peterburg häm Lokomotiv Kuban’ğa 2021-2022nçe yılğı Awrupa ligası häm Awrupa kuboğı sezonnarına yul yabıldı.

Näticädä Törkiyäneñ “Anadolu Äfäs” komandası 5nçe urınğa mende, “Fänärbaxçä”neñ urını üzgärmäde – 11dä qaldı.

“Anadolu Äfäs” Rusiyä komandalarına qarşı uynağan 6 oçraşudan 2sendä ciñde, 4sendä ciñelde. “Fänärbaxçä Beko” isä älegä qadär rus komandaları belän bulğan 3 oçraşunıñ barısında da östen çıqqan ide.



Bäyläneşle xäbärlär