Kann kinofestivalenӓ Rusiyädän delegaśiya qabul itelmӓyӓçӓk

Franśiyӓdӓ 17-28 nçe mayda ütkӓrü planlaştırılğan 75 nçe Kann kinofestivalenӓ Rusiya - Ukraina suğışı arqasında Mӓskӓwdӓn rӓsmi delegaśiya qabul itelmӓyӓçӓk.

Kino dön’yasındağı iñ möhim çaralarnıñ berse bulğan festival’ne oyıştıruçılar yazma belderü yasap Ukraina xalqın yaqlawların, Rusiyӓne ğayeplӓwlӓren citkerdelӓr.

Belderüdӓ ӓytelgӓnçӓ, suğış Ukraina xalqın qanӓğӓt’lӓndererlek şartlarda betmӓsӓ, Rusiyӓdӓn rӓsmi delegaśiya da, federaśiyӓgӓ qarağan bernindi oyışma da qabul itelmӓyӓçӓk.

Festival’ne oyıştıruçılar şulay uq Rusiyӓdӓ Ukrainağa qarata höcümnӓrgӓ rizasızlıq belderüçelӓrneñ batırlıq - qıyulıqların qotlawların da belderde.