“Tour Of Antalya”da çempion Jacob Hindsgaul

Çaranıñ soñğı êtabında ğomumi individual’ kategoriyadağı liderlığın saqlap qalğan “Uno-X" taqımınnan Jacob Hindsgaul 2022nçe yılnıñ çempionı buldı.

Hidsgaulğa “Magenta” formasını häm bülägen Törkiyä yäş’lär häm sport ministrı Mäxmät Möxärräm Kasapoğlu birde.  

Dürtençe häm soñğı köndäge 162.1 çaqrımlıq Antaliya-Antaliya êtabın isä “Alpecin-Fenix” komandasınnan Jakub Mareczko berençe bulıp tämamladı.

Bu êtapta ikençelekne Arvid De Kleijn, öçençe urınnı isä Matteo Malucelli yawladı.

Yarıştan soñ Cömhüriyät mäydanında soñğı êtapta törle kategoriyälärdä däräcägä kergän sportçılarğa büläklär täq’dim itelde.

İñ uñışlı komanda “Terengganu Polygon” buldı.

Klimat üzgäreşlären abaylap alu kostyumın “Wiv Sungod” taqımınnan Jacob Scott, Tawlarnıñ patşası kostyumın “Felbermayr Simplon Wels” komandasınnan Daniel Turek, iñ yaxşı sprinter sportçısı bulğan sarı kostyumnı isä “Alpecin-Fenix” taqımınnan Jakub Marek Mareczko qazandı.