Germaniya bronza häykällärne Nigeriyağa tapşıra

Germaniya Benin patşalığı çorına qarawçı 1030 bronza häykälne oktyabr’dä Nigeriyağa tapşıraçaq. Alar koloniyäläşterü çorında urlanğan bulğan. Yözlärçä äsär Amerika Quşma Ştatları häm Awrupa däwlätläreneñ törle muzeylarında saqlana.

Nigeriya milli muzeylar häm istäleklär komissiyäse ğomum mödire, professor Abba İsa Tijjani çit illärgä urlanğan bu ähämiyätle tarixi êksponatlarnı kire qaytaru mäs’äläsendä alğa kiteş barlığın belderde. Oktyabr’dä Germaniyädän Nigeriyağa tapşırılaçaq 1030 häykälne 1897nçe yılda ildän alıp çıqqannar.

Tijjani äytkänçä, monıñ şikelle meñnärçä äsär çit illärdä saqlana. Ul kire qaytarılğan tarixi êksponatlarnıñ Nigeriyada yaña muzeylar tözü häm tağın da kübräk turist cälep itü forsatı biräçägen söyli.