Cırladı da, taw da şudı

Rumıniyä cırçısı İnna Törkiyäneñ Kayseri şähärenä konśert birergä kilgän cirennän taw şuarğa da bardı. İlneñ iñ ähämiyätle qışqı turizm üzägennän berse bulğan Ärciyäs çañğı şuu üzägenä tanılğan şäxeslär yış kilä.

İnna üze genä tügel, dusların da çaqırğan. Alar 4 kön buyı Ärciyästäge ber qunaqxanädä tordı.

Cırçı üze töşergän foto-videolarnı sośial’ media akkauntlarında da urtaqlaştı. Ul Ärciyäs tawına xäyran qaluın söyli.

Cırları belän dön’yadağı muzıka çartlarınıñ başında toruçı İnna üz ilendä “Biyü patşabikäse” dip tä yörtelä. Ul Kayseri şähärendä bıyılğı täwge konśertın quydı.