"Arıslantäpä qalqulığı" dönyağa tanıtılaçaq

Törkiyä İlbaşı idaräseneñ êlemtä räislege tarixta berençe däwlät şäkele barlıqqa kilgän 7 meñ yıllıq Malat’ya Arıslantäpä qalqulığı belän bäyle dokumental’ fil’m äzerläde.

Räislektän yasalğan belderügä kürä, Törkiyäneñ mädäniyät baylığına iğ’tibarnı yünältü maqsatınnan çığıp törekçä häm inglizçä äzerlängän dokumental’ fil’mda Anadolunıñ śivilizaśiya tarixında möhim qıymmäte bulğan tarixi urınnıñ tabıluı häm YUNESKO Bötendönya mirası isemlegenä kertelüenä qadär yäşängän barış añlatıla.

Uzğan tarixı bezneñ êrağa qadär 5 meñençe yıllarğa barıp totaşqan Malat’ya Arıslantäpä qalqulığında xäzergä çaqlı ütkärelgän qazılmalarda tabılğan möhim äsärlär turında mäğ’lümat birelgän dokumental’ fil’mda 7 meñ yıllıq uzğanlığı belän aristokratiya tuğan, berençe däwlät şäkele barlıqqa kilgän tarixi miras tafsille itep añlatıla.

Bu xezmät TRT Törkiyä teleradiokompaniyanıñ dokumental’ fil’m kanalınnan häm İlbaşı idaräse êlemtä räislegeneñ sośial’ media akkauntınnan cämäğätçelekkä täq’dim iteläçäk.

İlbaşı idaräseneñ êlemtä başlığı Fahrettin Altun êşçänlek belän bäyle bularaq yasağan belderüendä borınğı tarixı häm berekmäse belän Anadolunıñ "keşelekneñ borınğı mirası" däräcäsenä layıq buluın iskärtep uzıp: "Dokumental’ fil’m belän Arıslantäpä qalqulığın böten dönyağa tanıtunı, tanıp belenüen arttırunı häm Törkiyäneñ mädäniyät turizmına öleş kertüne maqsat itäbez”, - dip äytte.

Altun Êlemtä räislege bularaq "Keşelekneñ borınğı geografiyası Anadolu" teması qısalarındağı dokumental’ fil’m êşçänlege belän Anadolunıñ mädäniyät, sośial’ häm tarixi berekmäsen, iyä bulğan śivilizaśiya qıymmätlären milli häm xalıqara mäydanda êffektiv räweştä tanıtunı maqsat itülären belderde.