Qazaqstannan “Millät” kitapxanäsenä ädäbi äsär büläkläre

Qazaqstan bäysezlegeneñ 30 yıllığı çaraları qısalarında Qazaqstannan Törkiyä Cömhüriyäte İlbaşı idaräseneñ “Millät” kitapxanäsenä 200dän kübräk ädäbi äsärneñ tapşırıluı uñayınnan başqala Änkarada tantana oyıştırıldı.

Tantanada Qazaqstannıñ Änkara tulı wäqalätle ilçese Abzal Saparbekuly, Qazaqstan Milli akademiya kitapxanäse başlığı Umutkan Munalbaeva häm İlbaşı kitapxanälär departamentı başlığı Ayhan Tuğlu belän çaqırılğannar qatnaştı.

Saparbekuly tantanada yasağan çığışında: “İlbaşı idaräseneñ “Millät” kitapxanäsenä tapşırılaçaq kitaplarnıñ Qazaqstan häm Törkiyä arasındağı ädäbi häm keşe mönäsäbätläreneñ köçäyüenä häm qazaq belän törek xalıqları arasındağı qardäşlekneñ nığuına öleş kertäçägenä ışanam”, - dip äytte.

Qazaqstan Milli akademiya kitapxanäse başlığı Umutkan Munalbaeva da, telgä alınğan şuşı kitaplarnı Törkiyägä täq’dim itüne üzläre öçen möhim wazıyfa bularaq kürülären belderep: “Maqsatıbız häm telägebez törki telle illärneñ berlege bozılmıyça qardäş törki xalıqlarnıñ ädäbiyatı häm mädäniyäte daimi bulsın”, - dip äytte.

Çığışlardan soñ kitaplar tapşırıldı.