"TRT - köçle häm kör tawışıbız"

İlbaşı idaräseneñ êlemtä räislege tarafınnan İstanbuldağı Xaliç Kongress üzägendä oyıştırılğan Xalıqara Strategik êlemtä oçraşuı qısalarında “TRT: Stratcom Özel” panele uzdı.

Törkiyä teleradiokompaniyase TRT ğomüm mödire Mexmet Zaxid Sobacı pandel’da yasağan çığışında TRTneñ teleradiotapşırular ölkäsendä Törkiyädä aldınğı buluın belderep: “Bügenge köndä süz 18 televideniye kanalı belän törle tellärdä, geografiyalarda teleradiotapşırular alıp baruçı TRT turında bara. 18 radio kanalı belän, 9 didjital’ platforması, 4 didjial’ qullanu çarası, milli häm xalıqara däräcädä çınğa aşırğan çaraları belän çınlıqta täêsir itü köçenä iyä bulğan TRT xaqında,” – dide.

TRT bularaq Törkiyäneñ global’ häm regional’ mäs’älälärgä qarağan xoquqların, däğwaların, tezisların xalıqara platformağa küçerüen assızıqlağan Sobacı: “Xäzergä qadär kürelmägän geografiyalar, beraz marginalizaŝiyalängän geografiyalarnıñ tawışın xalıqara säyäsätkä citkerergä tırışabız. Monıñ öçen TRT World möhim çarabız bulıp tora. Şul uq waqıtta yalğış mäğlümat, manipulyaŝiya küp bulğan çorda keşelär iñ küp ixtıyac toyğan närsä bulğan fal’sifikaŝiyalänmägän êlemtä häm xäbär alu xoquqın çınğa aşıru mäs’äläsendä döres xäbär citkerergä tırışabız”, - dide.