Uolt Disneynıñ 98 yıllıq tarixında kürelmägän xäl

Dön’yadağı iñ zur küñel açu şirkätlärennän berse Uolt Disneynıñ 98 yıllıq tarixında täwge tapqır idarä şurası räise  - xatın-qız.

BBCneñ xäbärenä qarağanda, C’yuzan Arnol’d 14 yıl kompaniyädä idarä şurası äğ’zası bulğan. Bıyıl axırında ul xäzerge citäkçe Bob Aygernıñ urınına kiläçäk.

Arnol’d üzeneñ belderüendä yaña wazıyfasına kereşkändä Disney akśionerlarınıñ keremnäre öçen xezmät itäçägen häm şirkätneñ yuğarı idaräçese Bob Çapek belän añlaşıp êşläwne 4 küz belän kötüen äytte.

Bob Ayger 15 yıl Uolt Disneynıñ yuğarı idaräçese bulıp torğannan soñ wazıyfasınnan kitkän ide. Ay axırında ul şirkätneñ idarä şurası räislegennän dä kitä.  

S’yuzan Arnol’d AQŞnıñ iñ zur şirkätläreneñ qayberlärendä yuğarı idaräçe wazıyfasında buldı.