Êynşteynnıñ qul’yazması rekord bäyägä satıldı

Aukśionda aña farazlanğannan berniçä tapqır zurraq bäyä birelde

1737886
Êynşteynnıñ qul’yazması rekord bäyägä satıldı

Êynşteynnıñ qul’yazması 11 million 700 meñ yevroğa satıldı. Dön’yada iñ mäşhür fiziklarnıñ berse Al’bert Êynşteynnıñ 54 bitlek êşe Franśiyä başqalası Parijda aukśionğa quyılğan ide.

Ğalim anı iñ yaqın dustı – injener Mişel’ Bosso belän bergä 1913nçe-1914nçe yıllarda yazğan. Anda çağıştırmalıq teoriyäse belän bäyle êşçänlek urın ala.

Aukśion yortı belgeçe Vinsent Belloy beldergänçä, Êynşteynnıñ 1919nçı yılğa qadärge qul’yazmaları bik siräk oçrıy häm şuña kürä bu dokument ayıruça iğ’tibarnı cälep itä.

“Êynşteyn siräk yaza torğan bulğan, şuña kürä qul’yazmasınıñ saqlanuı häm bezgä kilep ireşüe anı, çinnan da, ğadättän tış ähämiyätle qıla,”-dide ul.

Aukśion yortı qul’yazmanıñ bäyäsen 2-3 million yevro tiräse dip farazlağan ide.

Satıp aluçınıñ kem buluı belderelmäde.



Bäyläneşle xäbärlär