İpixanägä - 1500 yıl!

Perre antik qalasında borınğı ikmäk peşerü urını tabıldı

1737670
İpixanägä - 1500 yıl!

Törkiyäneñ Adıyaman cirlegendäge Perre antik qalasında baruçı qazınularda 1500 yıllıq ipi peşerü miçe qorılması tabıldı. Ul şärab yasaw mäydanı belän qaberleklärneñ yanında urnaşqan. İkmäk peşerü qorılması 500 kvadrat metr mäydannı alıp tora. Anıñ qalada yäşäwçe barlıq keşeneñ ikmäkkä ixtiyacın qanäğat’länderüe uylanıla.

Muzey mödire Mäxmät Alkan antik qalada miladtan soñğı 5nçe ğasırğa qarawçı yaña tabıldıqlar çığaruları xaqında bolay dip söyläde: “Qaberlek mäydanınıñ qırıyında qazınular däwam itä. Soñğı tabıldığıbız – 1500 yıllıq buluı belderelgän qorılma häm anıñ yanında cimerelgän işekneñ 100lärçä zur qadağı. Monnan tış, bu urınnıñ ber poçmağında tügäräk formada tandır bar”.

Perre antik qalasında arxeologik qazınular 2001nçe yılda başlana. Bıyıl anda tarixi Rim çişmäse, zur bloklı taşlar, su kanalları häm törle arxitektur qorılmalar çığarıldı.



Bäyläneşle xäbärlär