Bursa – icadi şähärlär çeltärendä
Törkiyäneñ Bursa qalası yefäge häm fayansı belän BMO Mäğarif, belem häm mädäniyät oyışması YUNESKOnıñ icadi şähärlär çeltärenä kertelde
Bursa şähär xakimiyätennän yasalğan belderügä kürä, Bursa dönya külämendä YUNESKO icadi şähärlär çeltärenä äğ’za 295 şähär arasında urın aldı.
YUNESKOnıñ mädäni törlelek ideal’lären yaqlawçı YUNESKO icadi şähärlär çeltärenä bıyıl kerteläçäk şähärlärne bilgeläwçe cıyılış YUNESKO'nıñ Franśiya başqalası Parijdağı üzägendä ütkärelde.
Dön’ya külämendä 49 şähär İcadi şähärlär çeltärenä kertelgän cıyılışta Törkiyädän Bursanıñ yefäge häm İznik fayansı belän "hönärçelek häm xalıq sänğätläre” kategoriyasında äğ’za buluı qararına kilende.
Şuşı qarar belän YUNESCO icadi şähärlär çeltärendäge 295 şähär arasına kergän Bursa Gaziantäp, Hatay, İstanbul, Kütah’ya, Afyonkarahisar häm Kırşähirdän soñ Törkiyädän bu çeltärgä kertelgän 7nçe şähär buldı.
Bursa Xannar töbäge, Soltan qolliyätläre häm Cumalıkızık belän 2014nçe yılda YUNESKO Dön’ya mirası isemlegenä kertelgän ide.
