Suğa çumuda yaña rekord

Törek sportçısı Şahika Êrcümen dön’ya rekordın quydı.

Ul ber sulışta 100 metr tiränlekkä çumdı.

İrekle çumuda dön’ya rekordsmenı bulğan Şahikanıñ Antaliyaneñ Kaş rayonında 100 metrğa çumuın Kaş idarä başlığı Şaban Arda Yazıcı häm şähär xaqimiyäte başlığı Mutlu Ulutaş da qaradı.

Törek sportçısı bu suğa çumunı Törkiyä Cömhüriyäte qorıluınıñ 98 yıllığına bağışladı.

Lastlar kimiçä häm kislorod ballonın taqmıyça 100 metr tiränlekkä 2 minut 53 sekundta töşkän Şahika sudan çıqqannan soñ jurnalistlarğa açıqlaw yasap, bu dön’ya rekordın Cömhüriyätneñ 98 yıllığına häm törek ğaskärlärenä bağışlarğa teläwen äytte.

“Bu dön’ya rekordı belän şul uq waqıtta klimat krizisı, dön’yaküläm cılınu häm soŝial’ gender (cenes) tigezlege kebek mäs’älälärgä iğtibar cälep itärgä telädek,” – dide ul.