Alek Bolduinnıñ qoralı êlek tä atqan

"Rust" fil'mın töşerü barışında operatornıñ ülemennän alda da oxşaş xäl bulğan

1724086
Alek Bolduinnıñ qoralı êlek tä atqan

Amerikanıñ tanılğan aktyerı Alek Bolduinnıñ  töşerü waqıtında utlı qoral belän video operatornıñ ülemenä häm rejissyernıñ yaralanuına kitergän “Rust” (Tutıq)  fil’mı mäydançığında älege waqıyğadan berniçä kön êlek tä oxşaş xäl buluı äytelä.

“Los Angeles Times” gazetınıñ xäbärenä qarağanda, 5 kön aldan Bolduinnıñ dublyerına qurqınıçsız dip belderelgän qoral birelä,  tik ike tapqır atqannan soñ êçendä çın yädrälär buluı añlaşıla.

16nçı oktyabr’dä bulğan waqıyğadan soñ mäydançıqta êşläwçe beräw citeşterü mödirenä xäbär sala: “Öçençe tapqır yalğışlıq belän utlı qoral qullanıldı. Moxit qurqınıçsız tügel”. Annan soñ tikşerü buldımı – bilgesez. Fil’m yasawçılar mäydançıqtağı iminlek problemaları xaqında xäbärdar bulmawların belderde.

İsegezgä töşeräbez, N’yu-Meksiko ştatında “Rust” fil’mın töşerü barışında Alek Bolduin yalğışlıq belän 42 yäş’lek video operator Galina Xatçinsnı atıp üterde, 48 yäş’lek rejissyer Djoêl’ Souzanı yaraladı. Mäxkämädä aktyer êçendä çın märmi bulıp çıqqan qoralnı üzenä rejissyer yärdämçeseneñ birüen häm qurqınıçsız buluın äytüen belderde.



Bäyläneşle xäbärlär